Sautján veldið (NTC) kúgar sprotafyrirtæki.

Ég var að fá ljótar fréttir af NTC. Algjör skandall svo ekki sé meira sagt. Skil ekki að fyrirtæki af þessari stærðargráðu skuli haga sér svona gagnvart litlu sprotafyriræki sem er að reyna að fóta sig.

Ég hvet alla til að lesa tilkynningu frá E-Label hér að neðan.

Hvet einnig alla sem styðja nýsköpun og sprotafyrirtæki til að sniðganga allar verslanir NTC (sem eru; SAUTJÁN-DERES, RETRO, SMASH,MISS SIXTY, FOCUS, COMPANYS, EVA, KÚLTÚR, GS SKÓR, CENTRUM).
 Stórfyrirtæki ættu að fagna samkeppni og frumkvæði, ekki kúga hana og misbjóða almenningi á tímum sem þessum þegar frumkvæðis og atvinnusköpunar er þörf!

Frá E-label (fös 06. mars):
 E-label fékk þær fréttir í gær að Svava Johansen, eigandi Sautján-veldisins krefjist þess að E-label hætti samstundis framleiðslu í verksmiðju þar sem báðir aðilar framleiða.

Verksmiðja þessi hefur framleitt fyrir NTC í mörg ár en E-label tók tilboði þeirra í vetur í fyrsta skipti þegar ódýrara tilboð á viscose efnum barst frá þeim. Svava hefur hótað verksmiðjunni að hætta öllum viðskiptum við verksmiðjuna ef framleiðsla á E-label fatnaði heldur áfram þ.a.l sér þessi litla verksmiðjan sig knúna til að loka á E-label. Afleiðingarnar eru þær að E-label fær ekki sendinguna sína.

Mikil reiði og samstaða er hjá íslenskum hönnuðum vegna þessa og er það hneykslanlegt að stór verslunarkeðja eins og NTC sé að leggja stein í götu íslenskra hönnuða. Slík framkoma og viðskiptahættir heyra til fortíðar og eru með öllu óásættanlegir enda hafa íslenskir fatahönnuðir hjálpast að í gegnum tíðina frekar en að stunda skemmdaverk gegn hvor öðrum. T.a.m eru íslenskir hönnuðir mjög oft að framleiða hjá sömu verksmiðjunum erlendis og hafa deilt þekkingu og samböndum sínum til að koma íslenskri hönnun á framfæri.

Í dag segir Svava Johansen í Fréttablaðinu að trúnaðarupplýsingum hafi verið stolið frá NTC. Hvað meinar konan? Að verksmiðjan þar sem hún framleiðir sínar vörur séu trúnaðarmál? Það er öllum frjálst að fá tilboð og framleiða í verksmiðjum en það er rangt að kúga litla verksmiðju til að stöðva framleiðslu hjá minni viðskiptavini vegna stærðar sinnar.

Endilega tjáið ykkur hér og spread the word! http://www.e-label.is/

Draumur allra barna !

Hvern hefur ekki dreymt um að heimsækja Sælgætisverksmiðju Kalla? Mig dreymdi um hana þegar ég var barn og ég er viss um að kvikmyndin Charlie and the Chocolate factory hefur ekki minnkað þessa hugaróra barna.

Þó ekki sé hægt að heimsækja þennan draumaheim og Kalla er þó hægt að komast ansi nærri því með því að búa til brjóstsykur. Hvaða barn dreymir ekki um að búa til sinn eiginn brjóstsykur?!

Við vorum í gær með námskeið í brjóstsykursgerð fyrir börn og er óhætt að segja að það hafi vakið mikla lukku og börnin fóru ánægð og stolt heim með afraksturinn. Á námskeiðinu kenndi ýmissa grasa og börnin bjuggu m.a. til kodda, kúlur, lengjur, sleikipinna, snúningssleikipinna, tvíburasleikipinna, fiðrildasleikipinna og voru óhrædd við að nota ímyndunaraflið við mótun brjóstsykranna.

Hér sjást áhugasamir nemendur á barnanámskeiði í brjóstsykursgerð fylgjast með blöndun á brjóstsykri

Auk barnanámskeiða í brjóstsykursgerð býður Nammiland.is upp á þjónustu sína í afmælum

Ein mest lesna fréttin á DV.is

Ég fékk magnaða ábendingu í gærkveldi um frétt á DV. Félagi minn hringdi í mig og benti mér á að fara á dv.is og finna þar frétt númer3 í dálknum "Mest lesnu fréttirnar". Sem ég gerði vitanlega. Fréttin sem þar var snýr að nýju fyrirtæki okkar Guðlaugar, www.nammiland.is.

Í fréttinni er verið að segja frá brjóstsykursgerð hjá einum af leiðbeinendunum okkar.
Fréttin er hér: http://www.dv.is/frettir/2008/11/2/brjostsykursjol-i-kreppunni/

Skal engan undra þó DV tali um brjóstsykursjól í kreppunni því það er mun ódýrara að gera sinn eiginn brjóstsykur heldur en að kaupa hann út í búð. Auk þess sem hann er mun hollari þar sem í honum eru engin aukaefni eða rotvarnarefni. Heimalagaður brjóstsykur hentar einnig gríðarlega vel í jólagjafir. Það er líka mjög sniðugt að gefa Brjóstsykurs-startpakka í jólagjöf eða gjafabréf á brjóstsykursgerðarnámskeið.

Þessir drengir eru líka snillingar!

Ég var svo heppinn að vera boðið að aðstoða CLARA drengina við undirbúning þeirra fyrir Gulleggið (frumkvöðlakeppni Innovit) í fyrra. Við þann undirbúning fékk ég bæði að kynnast snilligáfu drengjanna á bakvið hugmyndafræðina og fékk innsýn í það sem þeir eru með á prjónunum sem er vægast sagt magnað.
Innilega til hamingju strákar, þið áttuð þetta svo sannarlega skilið!

Þess má geta að ég og Gott val munum einnig aðstoða þá hópa sem keppa um Gulleggið 2009. Það verður virkilega spennandi að sjá hvort þar verða ekki einhverjir fleiri í sama klassa og CLARA.

Íslenskt sprotafyrirtæki verðlaunað

Nýsköpun og tækifæri á krepputímum

Það er ljóst að samfélagið nötrar þessa dagana vegna þeirra aðstæðna sem skapast hafa á fjármálamarkaði. Fjömargir hafa nú þegar misst vinnuna og vafalítið margir sem eiga eftir að bætast í þann hóp.

 

Það dugar þó lítið að setja alla orku og einbeitingu í að einblína á svartnættið heldur verða menn einfaldlega að setja sér að leita uppi þau fjölmörgu tækifæri sem leynast víða.

Eitt af því besta sem finnst á krepputímum er starfsemi JCI en hún veitir einstaklingum fjölmörg tækifæri til að efla og bæta eigin hæfni og leiðtogahæfileika. JCI hefur einnig sterk tengsl við svið nýsköpunar hér á landi en er auk þess með gríðarlega stórt tengslanet um allan heim, en JCI er starfrækt í meira en 5.000 aðildarfélögum í á annað hundrað löndum. Einungis Rauði krossinn, sameinuðu þjóðirnar og ólympíusambandið er starfrækt í fleiri löndum.

 

Ég hvet því unga og drífandi einstaklinga á aldrinum 18-40 ára að kynna sér starfsemi JCI á Íslandi og erlendis (www.jci.is og www.jci.cc) - En einnig hvet ég áhugasama um að kynna sér nýtt aðildarfélag sem er í stofnum en starfssvið þess verður fyrst og fremst á Alþjóðasviði, Viðskiptasviði og Samfélagssviði. Hið nýja aðildarfélag ber heitir JCI Keilir

TAKTU ÞÁTT Í NÝJUM ÁFANGA JCI Á ÍSLANDI
 
Föstudaginn 10. október, kl 19:45, verður stofnun JCI Keilis í menningar- og listamiðstöðinni Hafnarborg í Hafnarfirði.
Heiðursgestur viðburðarins er Dr. Erol User frá Tyrklandi en hann er hingað kominn í boði forseta Íslands til að vera viðstaddur bleiku slaufuna (Pink ribbon ball).

Það væri okkur sönn ánæga ef þú gætir séð þér fært að koma á  þennan viðburð og heiðrað bæði Dr. Erol User og  Junior Chamber Internationalmeð nærveru þinni. 
Það er mikilvægt fyrir nýtt félag að fá sem flestaá stofnfund þess því það veitir félaginu aukinn kraft, auk þess sem nýir félagar fá innblástur og hvatningu af þeim stuðningi sem nærvera kraftmikilla einstaklinga veitir. 
  

  
 
Dagskrá stofnfundar:
19:45 – Opið hús
20:00 – Dr. Erol User flytur erindi
20:25 – Tryggvi Freyr Elínarson, einn af stofnendum JCI Keilis kynnir félagið, starfsvettvang þess og verkefnin framundan
20:40 – Andri Heiðar Kristinsson, stofnandi Innovit frumkvöðlaseturs flytur erindi
20:55 – Landsforseti JCI Íslands ávarpar samkomuna
21:00 – Hlé gert á fundinum. Dr. Erol User yfirgefur samkomuna ásamt þeim gestum sem vilja.
 
Eftir stutt hlé taka við hefðbundin stofnfundarstörf, s.s. val bráðabirgðastjórnar, samþykkt lög, inntaka nýrra félaga o.fl.

Gestum er velkomið að fylgjast með þessum hluta hafi þeir áhuga.
 
Fyrir hönd stofnenda JCI Keilis,
Tryggvi Freyr Elínarson 
tryggvi(hjá)gottval.is
  
 

Bara búa til nammið sjálfur!

Úff.. ekki beinlínis góð tilhugsun að börn séu að borða nammi úr eiturlyfjum!!!

Þá held ég að það sé nú bara best að búa til nammið sjálfur. Bæði ódýrara og mun bragðbetra.
Bara að skella sér á nammiland.is og kaupa hráefni þar. Allt sem þarf til að búa til brjóstsykur. ...og bráðum verður hægt að fá allt í konfektgerð, lakkrísgerð, hlaupgerð og karamellugerð.

 Njótið samveru og sælgætis - það er gaman að búa til nammi saman.

Skynvillt sælgæti

Nammiland er opið !

Þá er Nammiland loksins búið að opna! (www.nammiland.is)

Fyrir þá sem ekki vita þá hefur Guðlaug verið með brjóstsykursgerðarnámskeið og upp úr því kviknaði sú hugmynd að  opna netverslun sem býður upp á allt sem þarf í brjóstsykursgerð. Núna nokkrum vikum seinna er sú verslun semsagt komin í loftið.

Þarna er hægt að fá allt sem til þarf, tæki & tól, bragðefni, litarefni og fleira. Meira segja hægt að kaupa Heksepulver og lakkrísduft!
Hægt að fá upplýsingar um námskeiðin hennar Guðlaugar og ég veit ekki hvað.

Endilega kíkið í Nammilandið og hver veit nema þið sjáið eitthvað spennandi.

Næstu námskeið í brjóstsykursgerð

Langar þig að læra að búa til þinn eigin brjóstsykur?
Skelltu þér þá á námskeið í brjóstsykursgerð!

Námskeiðin fara fram í litlum hópum, 4-6 manns.
Bókaðu námskeið núna fyrir hópinn þinn.

Ef þú ert ein(n) eða nærð ekki 4 í hóp hafðu þá samband og við munum aðstoða við að fylla upp í hópinn og finna dagsetningu sem hentar öllum hópnum.

Námskeiðið er frá 19:00 - 22:00 og kostar 5.000 kr. pr. mann.
Innifalið í námskeiðsgjaldi er allt hráefni og handbók
Þátttakendur fá brjóstsykur með heim.

Skráningar og/eða upplýsingar:
namskeid(hja)nammiland.is eða í síma 821 7619

Næstu lausu dagsetningar:
Miðvikudagurinn 27. ágúst
Þriðjudagurinn 2. september
Þriðjudagurinn 23. september

Sendu endilega fyrirspurn á namskeid(hja)nammiland.is ef þú vilt panta sérstaklega fyrir hóp
eða ef þessar dagsetningar henta ekki !

Brjóstsykursgerð á Menningarnótt 2008

Viltu sjá brjóstsykur búinn til og fá að smakka?
Á laugardaginn verður Guðlaug frá nammiland.is í húsakynnum JCI við Hellusund 3, 101 Reykjavík. Þar ætlar hún að laga brjóstsykur og leyfa gestum og gangandi að smakka nýgerða, gómsæta mola auk þess sem hægt er að sjá allt ferlið. Heimalagað slikkeri svíkur engann!

Hvenær: Laugardaginn 23. ágúst frá 14:00-16:00
Hvar: JCI Húsinu, Hellusundi 3, 108 Reykjavík
Kostar: 0 kr

Hvar er sótt um?

Getur hann ekki bara lagt inn umsókn til yfirvalda og sóst eftir að starfa við þetta. Slegið þar með tvær flugur í einu höggi -  svalað sínum pervertísku þörfum og sinnt borgaralegum skyldum! Ég er meira að segja viss um að hann sé tilbúinn að gera þetta fyrir 0kr - þannig að ríkið græðir!

Eru svona störf í boði á íslandi?

Kvaðst vera klámeftirlitsmaður