Útrás hugans

Drepinn fyrir að blóta á laun

"Hinn kristni menningararfur" - Þegar ég lærði mína sögu í grunnskóla og svo í framhaldsskóla las ég það að Kristniboðar á íslandi drápu menn og annan fyrir að blóta að heiðnum sið. Það er því mjög athyglivert að hlusta á marga af kirkjunnar mönnum tala um fortíðina eins og hún sé eitthvð sérstaklega glæst og uppfull af kærleik og góðum boðskap. Það eru ekki nema nokkur hundruð ár síðan kirkjan hætti að drepa heiðingja og/eða senda þá í útlegð.

Allir sem hafa gengið í gegnum grunnskóla vita að þar fer fram trúboð ríkiskirkjunnar, falið á bakvið orðið "kristifræðsla" og/eða "trúfræðsla". Það sem virðist aldrei koma fram í þessari umræðu er að allar aðrar skoðanir og trúr fá litla sem engan tíma í kennslustundunum og einungis rætt um þær í framhjáhlaupi.

Vissulega má gera ríkistrúnni hátt undir höfði þar sem ríflega 80% þjóðarinnar (meðvitað eða ómeðvitað) eru innanborð, en það verður þó að gæta sanngirnis. Sérstaklega finnst mér leitt að vera í sífellu að heyra af grunnskólabörnum sem er bókstaflega er "hent fram á gang" á meðan kristnifræðslan(trúboðið) fer fram, einungis vegna þess að þau eru ekki í "réttu klíkunni".

Er ekki einfaldasta lausnin að gefa öllum skoðunum jafnan tíma, fulltrúar allra safnaða fá að koma í heimsókn a.m.k. einu sinni yfir veturinn og láta þar við sitja? Eru kirkjunar menn virkilega það hræddir og örvæntingarfullir að þeir treysti sér ekki til að stunda sitt trúboð í þar til gerðum kirkjum og safnaðarheimilum?!

Persónulega þekki ég nokkra foreldra sem vilja að trúboð fari fram í skólanum, ekki vegna þess að það eigi heima þar.... neinei... heldur vegna þess að þá þarf ekki að standa í því veseni sem fylgir því að þurfa að aka barninu í og úr kirkju. Þeim finnst víst nóg um að þurfa að aka börnunum í íþróttir, tónlistarskóla og fleira í þeim dúr.

Trúboð í grunnskólum af því foreldrar eru of latir til að kenna börnum kristin gildi? Er það virkilega það sem við viljum?

	Guðni: Nú skal kennsluborðum kristninnar velt
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | 12.12.2007 | 17:15 | Facebook

Athugasemdir

Það er svo spurning hver eru hinu kristnu gildi og hver séstaða þeirra eru umfram önnur mannleg siðferðisgildi. Mig grunar nú að það þurfi ekki að fara um langan veg til að sækja lærdóm um kærleika og umburðarlyndi. Flestum er það nú í blóð borið að vita slíkt. Allavega á kirkjan ekkert einkaleyfi á slíku. Apar viðhafa þessi gildi í sínum samfélögum og eru dyggðurri við það en við mennirnir erum.

Á tímum jafnræðis er einmitt krafan sú að öll trúfélög og trúarbrögð fái inni í menntastofnunum. Það er eitt svar við því. Út með allt trúboð. Skóli er skóli og Kirkja er Kirkja.

Jón Steinar Ragnarsson, 12.12.2007 kl. 17:37

Allir eða engin... er slagorðið; þó er ég á því að skólar eigi að vera algerlega lausir við all trúarstúss fyrir utan fræði um helstu trúarbrögð og tilurð þeirra.

Já það er skondið að fólk er búið að gleyma að kirkjan er faktískt fjöldamorðingi, ekki bara á Íslandi heldur um allan heim, samt er fólk á því að skrá sig í þessar fornu glæpastofnanir

DoctorE (IP-tala skráð) 12.12.2007 kl. 17:40

Í hvaða kristnifræði var það kennt að trúboðar dræpu menn fyrir blóta að heiðnum sið? Minnist þess ekki að lesa slíkt, heldur þvert á móti að heiðnum var leyft blót þrátt fyrir lögtöku kristins siðar. Annars eru það aðallega kommentin sem vekja athygli: kirkjan fjöldamorðingi??? Hverslags bull er þetta? Apar dyggðugri en menn??? Ef rökin eru svona, er málstaðurinn ekki bara grín???

guðni (IP-tala skráð) 12.12.2007 kl. 18:17

Jeyj, ég bara vissi ekki að þú værir farinn að blogga á ný ;)

Fylgist spennt með héðan í frá :)

Kv. þín GB

Guðrún Birna le Sage de Fontenay, 12.12.2007 kl. 18:37

Mig minnir að það hafi "mátt" blóta á laun en þá þurfti að passa upp á að enginn vissi af því eða kæmist að því.. annars væri voðinn vís!

Varðandi að kirkjan hafi verið fjöldamorðingi þá þarf ekki að fara mjög langt aftur í tímann hér á íslandi og hægt að tala t.d. um galdrabrennur. Miðað við það sem ég las á Vísindavefnum voru um 25 Íslendingar sem urðu fyrir barðinu á þeim (nánast allt karlmenn) en varla þarf að tala um hversu margir, aðallega konur urðu fyrir barðinu á kaþólsku kirkjunni erlendis vegna þessarar hjátrúr og vanþekkingar um nornir og galdrakukl..
Þó fjöldi Íslendinganna sé eins og dropi í hafið miðað við fjöldann sem varð fyrir barðinu á kirkjunni úti þá eru 25 einstaklingar 25 of mikið..
Þetta var bara smá dæmi um hvernig kirkjan lét og þetta er aðeins smá hluti.. Mig minnir líka að þetta hafi verið kennt í sögu en ekki kristinfræði.

En ég er alveg sammála því að allt trúboð eigi að fara út úr skólum og að trúarfræðsla og kristinfræðsla eigi fullan rétt á sér í skólum undir leiðsögn kennara. Og sammála því að önnur trúarbrögð en kristni fái of litla athygli, allavega var það tilfellið hjá mér í grunnskóla að það var rétt tiplað á þeim.

Guðlaug Birna Björnsdóttir, 12.12.2007 kl. 18:53