Svara í sömu mynt?

Getum við ekki bara prufað að svara í sömu mynt og séð hvað Kananum finnst um það? Þeim finnst þeim vera svo heilagir í þessari nútíma helför sinni gegn ímynduðum hættum og hryðjuverkum. En hvað ef Evrópuþjóðir svara einfaldlega í sömu mynt?! Járnum alla kana sem koma til landsins og spyrjum þá spjörunum úr í orðins fyllstu merkingu!

bara hugmynd....

Fangelsuð í Bandaríkjunum

Athugasemdir

[Davíð (IP-tala skráð) 12.12.2007 kl. 11:53]

"Járnum alla kana sem koma til landsins" - Mælt eins og sannur íslendingur. Það er þá væntanlega óháð því hvort þeir hafi brotið lög á Íslandi áður? Segjum að við gerum það, ættu þeir þá ekki alveg eins að byrja að járna "alla" íslendinga sem koma til landsins þeirra? Leitt að greyið konan skuli hafa lent í þessu en þetta er dæmigert að íslendingar skuli telja sig svo yfir aðra hafna að ef einn íslendingur lendir í einhverju veseni að þá eiga allir aðrir að gjalda fyrir það.

[Tryggvi F. Elínarson, 12.12.2007 kl. 14:34]

Hreint ekkert bull, bara hugmynd. Svo það sé alveg á hreinu þá hefur þessi hugmynd mín ekki bara með þessa ágætu konu að gera, heldur það hvernig Bandaríkjamenn eru trekk í trekk að brjóta mannréttindarsáttmála og frelsissvipta saklausa ferðamenn og borgara.

Hversu lengi ætlar heimsbyggðin eiginlega að horfa upp á þessar heimskulegu athafnir þarna fyrir vestan.

Og svo við snúum okkur aðeins að umræddu máli, þá er það vissulega rétt að konan hafði brotið af sér fyrir 12 árum síðan. Það gefur hinsvegar kananum engan rétt á því að neita konunni um að hafa samband við sendiráð eða konsúl, það gefur þeim engar rétt á að neita henni um mat og drykk og það gefur þeim heldur enga ástæða til að neita henni um mannsæmandi framkomu og meðferð.

Ég held að það myndi aldeilis verða uppi fótur og fit ef við myndum hneppa í fangelsi erlendan borgara á þeim forsendum að hann hafi gerst sekur um ölvunarakstur í íslenskri lögsögu fyrir 12 árum síðan!

[Sigga (IP-tala skráð) 12.12.2007 kl. 15:23]

Þetta finnst mér mjög barnalegur hugsunarháttur. Þessi auga fyrir auga tilgáta þín mun aldrei skila nokkrum árangri. ,,He who seeks revenge should dig two graves". Hvers vegna ættum við að refsa saklausu fólki fyrir það eitt að vera bandarískir ríkisborgarar? Að setja alla undir sama hatt finnst mér vera miklir fordómar.

Þarna þurfa yfirvöldin að gera eitthvað í sínum málum og breyta sinni stefnu, ekki saklausir almennir borgarar. Mikið er ég nú orðin leið á þessu orði ,,Kaninn"...þeir eru jafn ólíkir og þeir eru margir. Rétt eins og ég og þú erum greinilega andstæður varðandi skoðanir okkar og hugsunarhátt en þó eigum við það sameiginlegt að vera Íslendingar.

Svo finnst mér alveg að manneskja sem keyrir ölvuð fái að gjalda fyrir gjörðir sínar, sama hversu langur tími hefur liðið frá atvikinu. Reyndar finnst mér það alls ekki sambærilegt við að handaka konu og svipta hana mannréttindum fyrir það eitt að hafa dvalið aðeins of lengi í landinu. Ölvunarakstur er mun skaðlegri en of langt sumarfrí, ekki satt?

[Tryggvi F. Elínarson, 12.12.2007 kl. 16:48]

Hárrétt Sigga, ölvunaraksturseinstaklinginn ætti þá líklega að senda í Guantanamo Bay (rétt stafsett?)

En svo það fari nú ekkert á milli mála þá vildi ég aðeins hrista aðeins upp í hugarþeli fólks og fá smá viðbrögð. Mér finnst mikið af þeim viðbrögðum sem ég hef séð á netinu í dag til skammar. Það að ætla að dæma tugmilljónaþjóð fyrir kjánaskap einhverra löggæsluvarð í mikilmennskubrjálæðiskasti. Það er einmitt eins og að ætla að dæma mig og þig fyrir það hvernig íslensk stjórnvöld komu fram við títt rædda Falun Gong meðlimi þegar þeir komu hingarð. En viðbrögð íslenskra stjórnvalda þá var lítt betri en þau viðbrögð sem umrædd kona fékk í gær/fyrradag...

[Anna (IP-tala skráð) 12.12.2007 kl. 20:27]

Já, Tryggvi minn. Ég get alveg fallist á þessa hugmynd þína að svara í sömu mynt. Og það hvarflar að mér að þú mundir láta flakka og standa við það, en einungis að refsa „afbrotalýðnum", annað mundi missa marks. Mér dettur í hug að Davíð, Ragnar og Sigga yrðu ekkert ýkja hrifin ef þau yrðu tekin föst á JFK flugvelli Kananna vegna þess að þau hefðu verið uppvís að því að hnupla varalit í bandarísku molli fyrir rúmum áratug. Satt er það, að konustráið umrædda dvaldi of lengi í landinu fyrir 12 árum, en að þurfa að gjalda fyrir það ævilangt, er aðeins of mikið. Það er raunar alveg jafn fáránlegt eins og það, að fyrir u.þ.b. 30 árum prófaði maðurinn minn að sækja um visa til Bandaríkjanna, en var synjað á þeirri forsendu að pabbi hans var flokksbundinn í Alþýðubandalaginu. Hitt er svo annað mál, að aðgerðir íslenskra stjórnvalda gagnvart Falun Gong eru nákvæmlega jafn mikið út í hött og meðferð Kananna á landa okkar í vikunni og er okkur til vansa. Svo er um afgreiðslu mun fleiri mála hér á landi.