Biskup auglýsir fráfræði sína!

Umrætt tákn heitir Sólkrossin og hefur ekkert með trúarbrögð að gera, hvorki heiðni né kristni.

Sólkrossinn umræddi hefur verið notaður í nærri því öllum trúarbrögðum og var kominn fram á sjónarsviðið mörg þúsund árum fyrir krist. Þetta tákn var notað til að sýna tíma, árstíðir og stjörnumerki. Hver ferningur táknar árstíð. Strikin tvö sem mynda kross tákna sólstöður, þ.e. þann tíma árs þegar dagur yfirtekur nótt og öfugt.. Inni í þessu tákni var svo alla jafna fleiri strik sem hólfuðu hringinn niður í mánuðina tólf og stjörnumerkin. Sólkrossinn hefur í þúsundir ára (eða lengur) aðstoðað mennina við að fylgjast með uppskeru, árstíðum og sólargangi.

Það að biskup skuli ætla að eigna kristnum mönnum þetta tákn er bara enn eitt dæmið um það hversu fáfróður maðurinn er og þröngsýnn. Það "Á" enginn svona tákn... hvorki heiðnir né kristir né aðrir... þetta er einfaldega bara tákn sem hefur sína merkingu og öllum er frjálst að nota það hafi þeir not fyrir það.

Það að kristnir menn skuli afneita því að merkið sé eldra en þeirra trú (og að aðrir geti átt það) kemur mér svosem ekkert á óvart því þorri þeirra trúir því ekki að jörðin sé búin að vera hér í milljónir ára. Trúa því heldur ekki að til sé þróun. Trúa því heldur ekki að risaeðlubein séu raunveruleg... hvað næst? :D

 

Heiðið tákn á nýrri Biblíu

Athugasemdir

[Brynjólfur Þorvarðsson, 18.12.2007 kl. 13:02]

Sérstaklega fyndið hvað honum er í mun að láta líta út fyrir að ásatrúarmenn séu að stela þetta frá kristnum! Manninum er vorkunn.

[Tryggvi F. Elínarson, 18.12.2007 kl. 13:37]

Það er einmitt sorglegt og dapurt að horfa upp á þetta.  Sérstaklega þar sem að baki svona fullyrðingum hjá Biskupi getur bara verið annað af tvennu:
a) hann er bara hreinlega svona fáfróður (og þá spurning hvort hann sé hreinlega hæfur í embættið)
b) hann fullyrðir þjófnað ásatrúarmanna vitandi að það sé rangt (sem er mikil illkvittni og fær mann til að efast um hæfni hans í embætti)

[Andrea Ævars (IP-tala skráð) 18.12.2007 kl. 16:53]

Mér finnst þetta sér í lagi fyndið þar sem sólkrossinn sem var í stéttinni fyrir framan dómkirkjuna var fjarlægður fyrir nokkrum árum. Opinbera útskýringin var sú að hellurnar hefðu verið farnar að síga, en hið rétta í málinu er að prestum fannst víst alveg ótækt að ganga þyrfti yfir heiðið tákn til að komast til messu í dómkirkjunni !

[Gulli (IP-tala skráð) 20.12.2007 kl. 19:25]

Nei Jésús Kristur sonur guðs fann upp krossinn.........