Allar konur í G-Streng og pínupils!

Mikið er ég ánægður með þessi samtök. Ég styð það heilshugar að konur séu almennt í efnislitlum undirfatnaði og að flíkur almennt hylji bara það allra heilagasta. Verst fyrir konugreyin samt hvað það er kalt á íslandi! Ég er hinsvegar það mikil karlremba að ég tek það ekki í mál að við tökum þátt í þessu. Ég og mínir vinir erum ekki á því að skipta úr boxernum yfir í G-strenginn. (Á þessu er þó ein undantekning en ónefndur félagi (Gu**i) segist vilja í G-strenginn og vekur það upp spurningar í hvoru liðinu hann spili?!)

Hvað segið þið dömur... allar í G-Streng?

Umhverfissamtök mæla með g-streng í jólapakkann

Glæpakonur ganga frjálsar!

Einhverjir eiga vafalítið eftir að bilast þegar þeir lesa þetta blogg en ég ætla samt að láta vaða...

Ef konu er naugað þýðir það sjálfkrafa að hún eigi að fá sakaruppgjöf fyrir þá glæpi sem hún hefur framið? Ef ég brýst inn í tölvuverslun en er svo gripinn glóðvolgur í miðjum klíðum af tröllvöxnum karlmönnum sem nauðga mér á staðnum...þýðir það að ég fái engan dóm fyrir innbrotið?

 Í Saudi-Arabíu eru lög, fáránleg lög... en eru engu að síður lög. Í þeim segir að konur megi ekki vera einar á ferð (þ.e. án fylgdar karlmannsins sem á hana) og því síður mega þær tala við ókunnuga. Þær mega ekki einu sinni horfa á ókunnuga. Konugreyið var ein á ferð að tala við ókunnugan þegar á hana var ráðist. Heimsbyggðin bilaðist yfir fréttinni á sínum tíma sem var sett fram þannig að hún hljómaði eins og verið væri að dæma hana "fyrir að láta nauðga sér" sem var alls kostar ekki rétt.

Það sem er merkilegt við þessa frétt að mínu mati er að svona dómar falla mjög reglulega í Saudi-Arabíu. Þ.e. konur dæmdar fyrir að vera þvælast einar og fyrir að horfa á og/eða tala við ókunnuga en heimsbyggðin bregst ekki almennilega við fyrr en um fórnarlamb nauðgunar er að ræða! Hvernig væri að heimsbyggðin færi að skipta sér í aukna mæli af bullinu sem á sér stað í Saudi-Arabíu, þar sem menn eru t.d. handteknir fyrir að raula/syngja á almannafæri og ef þú brýtur af þér þrisvar ertu einfaldlega drepinn!!!

p.s. Gæti samt verið sniðugt að taka upp svona húðstrýkingar á íslandi, sé það alveg fyrir mér.
"Maður dæmur í 280 svipuhögg fyrir að aka gegn rauðu ljósi" - þá færu menn sko að gæta að sér!

Fórnarlambi nauðgunar veitt sakaruppgjöf

Hver segir ekki "shit" þegar maður stendur í saur upp á ökkla?!

Daginn sem klósettið mitt stíflast og allt fer út um allt... þá kem ég sko aldeilist til með að blóta. Sá sem skilur ekki slíkt og fer í mál... sá aðili ætti að prufa að standa í hland og kúk upp á ökkla, vitandi að það er í hans verkahring að moka svo skítnum út og þrífa 'pleisið' !

 

Sjitturinn segi ég nú bara...

Mátti bölva klósettinu sínu

Af hverju 438 en ekki 431 eða 442?

Hvernig komast menn að því að 438 ára fangelsi sé málið? 

Ef við hugsum ekki um það hversu kjánalegt það er að dæma mann a.m.k. 300+ árum lengur en hann lifir... þá hlýtur maður spyrja sig: afhverju 438? Ef þeir hefðu dæmt hann í t.d. 421 ár hefðu þá komið fram raddir sem segja: "Dómarinn er gunga, dómurinn er allt of linur, það þarf að herða refsingar hérna!"   ... en ef dómurinn hefði verið 448 ár hefði þá stór hópur hugsanlega komið fram: "dómarinn er brjálaður! Þetta er allt of þungur dómur... 420 ár er alveg hámark!" - En kannski er öllum bara skít sama... dómarinn er með tening sem hann kastaði 3... það kom upp 4 í fyrsta kasti, svo 3 og svo að lokum 8. Því dæmdi hann mannin í 4-3-8 ára fangelsi!

 

...eða veit dómarinn kannski eitthvað sem við vitum ekki.. t.d. af lifnaðarpillu sem er væntanleg á markað eða er hugsanlega að koma fram eitthvað svona yngingartöframeðal... þannig að við þurfum að senda fólk í 400+ ár í fangelsi? Maður bara hlýtur að spyrja!

Dæmdur í 438 ára fangelsi

Grindverkið mitt fer sko ekki neitt!

Þegar við skötuhjúin festu kaup á íbúð á völlunum fyrr á þessu ári þá var grindverkið við lóðina gjörsemlega í tætlum eftir óveður liðins veturs. Var svosem ekkert skýtið þar sem frágangurinn á grindverkinu var langt frá því að vera í lagi. Tryggvi tók sig því til og reif hvern einasta staur upp með rótum og setti allt grindverkið upp frá grunni. Það er búið að vera mjög gaman að fylgjast með því núna í þessum vindbombum... því grindverkið hreinlega haggast ekki. Gott að sjá að maður hafi gert þetta almennilega!

Það voru hinsvegar ruslatunnur út um alla velli þegar ég ók af stað í vinnuna í morgun (um klukkan 5:45) - er fólk ekki að fatta það, að ef bílar og gámar fjúka og tré rifna upp með rótum... þá er nokkuð ljóst að festa þarf ruslatunnurnar niður?! (þess má geta að okkar tunnur fóru sko ekki fet!)

Óveðursútköllum fjölgar

Öfundsýki og léleg sölumennska

Finnst fólki það í fullri alvöru óeðlilegt að þegar þú kaupir hugbúnaðarpakka frá tilteknum aðila (t.d. stýrikerfi frá Mircosoft) á sé í pakkanum hugbúnaður frá þeim aðila? Ef þú kaupir stýrikerfi frá Microsoft þá einmitt fylgir þeim pakka, teikniforritið Paint, ritvinnsluforritið Wordpad, lítið tölvupóstforrit, vafri og margt fleira. Er það óeðlilegt?! Hreint ekki.

Hverjum og einum notenda er síðan frjálst að fá sér til dæmis Adobe Elements myndvinnsluforrit þar sem það er miklu fullkomnara en Paint. Þá gæti einhverjum öðrum dottið í hug að fá sér Opera eða Firefox vafra þar sem báðir eru fullkomnari en IExplorer. Það er enginn þvingaður til að nota explorerinn.

Ef ég keypti mér nýja tölvu, kæmi heim með hana og kæmist svo að því þar að ég kæmist ekki á netið vegna þess að það fylgdi enginn vafri með henni yrði ég þokkalega fúll. Þú getur getur sótt Forefox frítt... en því miður ertu ekki með neinn vafra til að gera það með... af því einhverjum bjánanum datt í hug að það væri snjallt að fara í mál við Microsoft og banna þeim að láta vafrann sinn fylgja með stýrikerfinu sem þeir hönnuðu.

Held að þessir menn ættu að læra að markaðsetja og selja sínar vörur á eigin forsendum. Ekki með því að refsa öðrum. Fyrir mörgum árum síðan var Netscape vafrinn með 80% notkunarhlutfall. Einfaldega vegna þess að hann var mun betri og mun betur markaðssettur. Samt fylgdi explorerinn með Windows á þeim tíma! It´s all about sales and marketing - reynið að vaxa upp úr skítkasti og öfundsýki...

Jón ætlar í mál við Microsoft

Fuglinn farinn

Þá greyið hann Kobbi dáinn. En Kobbi var páfagaukurinn okkar.
Lauga er búinn að blogga aðeins um það: http://godpool.blog.is/blog/godpool/entry/390164/

Bankarnir falsa peninga?

Ætli maður geti skilið þetta sem svo að bankarnir séu að leysa sín mál með því að prenta bara eigin peninga? Það væri nú svosem ekki vitlaust hjá þeim. Allir vilja endalaust fá lánað meira og geta örugglega ekki borgað það nokkurn tíman til baka þannig að það er bara ábyrgðarfullt af bankanum að prenta bara falspeninga. Sniðugt hjá þeim!

Af hverju er það tekið sérstaklega fram í fréttinni að lögregluþjónarnir hafi bæði verið ungir og fallegir? Þegar peningafölsunarmál koma upp, eru þá ungu, fallegu lögregluþjónarnir sendir á vettvang? Eru hinir eldri, sem farið er að sjá á, frekar sendir í einhver önnur verkefni?

Fékk falsaðan seðil í bankanum

Þvílík sóun

...beiðið er eftir að lögregla urði hræin! Má ekki frekar setja upp markað, t.d. í bónus þar sem kjötið er selt? Ég er alveg til í lund af hreindýri sem einhver ók á!

ummm....hreindýr.

Ók á 13 hreindýr

Drepinn fyrir að blóta á laun

"Hinn kristni menningararfur" - Þegar ég lærði mína sögu í grunnskóla og svo í framhaldsskóla las ég það að Kristniboðar á íslandi drápu menn og annan fyrir að blóta að heiðnum sið. Það er því mjög athyglivert að hlusta á marga af kirkjunnar mönnum tala um fortíðina eins og hún sé eitthvð sérstaklega glæst og uppfull af kærleik og góðum boðskap. Það eru ekki nema nokkur hundruð ár síðan kirkjan hætti að drepa heiðingja og/eða senda þá í útlegð.

Allir sem hafa gengið í gegnum grunnskóla vita að þar fer fram trúboð ríkiskirkjunnar, falið á bakvið orðið "kristifræðsla" og/eða "trúfræðsla". Það sem virðist aldrei koma fram í þessari umræðu er að allar aðrar skoðanir og trúr fá litla sem engan tíma í kennslustundunum og einungis rætt um þær í framhjáhlaupi.

Vissulega má gera ríkistrúnni hátt undir höfði þar sem ríflega 80% þjóðarinnar (meðvitað eða ómeðvitað) eru innanborð, en það verður þó að gæta sanngirnis. Sérstaklega finnst mér leitt að vera í sífellu að heyra af grunnskólabörnum sem er bókstaflega er "hent fram á gang" á meðan kristnifræðslan(trúboðið) fer fram, einungis vegna þess að þau eru ekki í "réttu klíkunni".

Er ekki einfaldasta lausnin að gefa öllum skoðunum jafnan tíma, fulltrúar allra safnaða fá að koma í heimsókn a.m.k. einu sinni yfir veturinn og láta þar við sitja? Eru kirkjunar menn virkilega það hræddir og örvæntingarfullir að þeir treysti sér ekki til að stunda sitt trúboð í þar til gerðum kirkjum og safnaðarheimilum?! 

Persónulega þekki ég nokkra foreldra sem vilja að trúboð fari fram í skólanum, ekki vegna þess að það eigi heima þar.... neinei... heldur vegna þess að þá þarf ekki að standa í því veseni sem fylgir því að þurfa að aka barninu í og úr kirkju. Þeim finnst víst nóg um að þurfa að aka börnunum í íþróttir, tónlistarskóla og fleira í þeim dúr.

Trúboð í grunnskólum af því foreldrar eru of latir til að kenna börnum kristin gildi? Er það virkilega það sem við viljum?

Guðni: Nú skal kennsluborðum kristninnar velt