Mikilvægi líkamstjáningar er ekki öllum augljóst

Alltaf gaman þegar maður hittir fólk sem er að uppgötva í fyrsta skipti táknmál líkamans.
Enda fólk sjaldnast að gera sér grein fyrir mikilvægi þess að kunna rétt tákmál og að kunna að lesa táknmál annarra. Karlmenn eru sérstaklega slakir í þessu... eiginlega alveg íhugnalega!!!

Greina ekki á milli vinsemdar og daðurs

Sigurinn er sætur...

Ég var að keppa í ræðukeppni í gær í annað skipti á nokkrum vikum. Það er mjög gaman að segja frá því að liðið mitt vann. En þetta var tvöfaldur sigur því ég vann líka titilinn ræðumann kvöldsins. En í ræðukeppninni um daginn (sem tapaðist) þá var ég líka valinn ræðumaður dagsins.

Gaman að þessu...

Ég mæli sko með þessu!

Ef þú ert á aldrinum 18-40 og langar á þetta magnaða námskeið ÓKEYPIS!...sendu mér þá póst á tryggvi(hjá)gottval.is

Frábært framtak

Vonandi verður þetta til þess að sumir foreldrar vakni til vitundar um það hversu algengt það er að krakkar á grunnskólaaldri séu að stunda kynlíf. Og í allt of mörgum tilfellum hafa foreldrar það hreinlega ekki í sér að ræða þessi mál. Fyrir vikið verður það sem þau sjá á netinu að viðmiði og það er því miður í fæstum tilvikum gott. Enda heyrir maður alls kyns skrýtnar sögur úr samtímanum...

Ekki var þetta svona þegar ég var í grunnskóla, enda Internetið varla komið á laggirnar og því ekkert sem sagði manni að það væri hinn eðlilegasti hlutur að "totta sig inn í partý" ! jahérna hér!

Dreifa 50.000 smokkum til forvarna

Ætli hann sé einn um það?

Einhvernvegin held ég nú að flestum finnst Biblían ekki neitt rosalega spennandi aflestrar. Mér sjálfum finnst hún í það minnsta ekki spennandi. Það er einna helst gaman að lesa kaflana um refsingar. Þ.e. Hvernær þá á að grýta þennan og hinn til dauða og fleira í þeima dúr. Veitir manni ágæta innsýn í hve brenglaður hugsunarháttur mannskepnunar var á árum áður. Grýta mann til dauða fyrir að vinna á sunnudegi.. ja sveiattan...!

Leiðist Biblían

Hvenær verður fordæmi sent!

Hvernig væri nú að einhver dómarinn færi að taka á þessu virðingarleysi almennings gagnvart lögreglu. Það gengur ekki að maður sé endalaust að lesa um barsmíðar á lögreglunni, hráka og almenna óvirðingu. Í lögum segir að sá sem veitist að lögreglu eða trufli hana við störf megi fangelsa í hellings tíma.

Ég myndi vilja sjá slíkan dóm. Það er það eina sem stoppar ungmenni landsins í þessum dónaskap.

Sparkaði í lögreglumann

Siðferði?

Ég skil vel yfirmann greiningardeildar Saxo Bank. Þeir hafa vafalítið (eins og aðrir danskir bankar) fundið fyrir sterkri innkomu Kaupþings í Danskt viðskiptalíf. Því eðlilegt að menn vilji taka þátt í því að reyna að tala Kaupþing niður. En mér finnst nú dálítið "dramadrottningarlegt" og hreinlega óábyrgt að tala um gjaldþrot. Jaðrar við siðleysi....  Það er jú nánast umtal eitt sem hefur afgerandi áhrif á hlutabréf annarsvegar og svo hinsvegar ákvarðanatöku á vaxtaálaginu.

Vísar frétt Børsen á bug

Skrýtnir dagar

Sumir dagar eru skrýtnir dagar. 

Svo eru líka til sniðugir dagar...
Áhugaverðir dagar
Fyndir dagar
Frábærir dagar
Árangursríkir dagar
Þreyttir dagar
Súrir dagar
Blautir dagar
Þungir dagar
Skemmtilegir dagar
Stuttir dagar

og svona mætti lengi telja!

Dagurinn minn er árangursríkur, frábær og skemmtilegur! En þinn????

Bætið á ykkur blómum

Maður getur sko lengið á sig blómum bætt. Eitt af því sem fæstir kunna en gott er að læra er fundarritun. Það vill einmitt svo skemmtilega til að JCI Esja er að fara af stað með 2ja kvölda námskeið í fundarritun í kvöld.

Ég vil að sjálfsögðu hvetja sem flesta til að skella sér enda fátt verra en að vera beðinn um að vera ritari á fundi og vita ekkert hvað eða hvernig maður eigi að haga sér og gera. Tala sko af reynslu! :)

Frekar upplýsingar og skráning er á heimasíðu Esjunnar www.jciesja.org

Lækkun á Bensíni=Lækkun á verðbólgu!

Mikið væri nú ágætt ef stjórnvöld tækju sig til og slökuðu aðeins á skattlagningu eldsneytis í ljósi þeirra gríðarlegu hækkana sem átt hafa sér stað. Eldsneytisverð er einn af lykilþáttum í neysluvísitölunni sem aftur hefur áhrif á verðbólguna. Svona aðgerð ætti þá væntanlega að draga aðeins úr þrýsingi á verðbólguna ekki satt?

Þrýsta á lækkun eldsneytis